Dy vëllezërit në Maliq, u vranë me plumba në kokë e gjoks
Policia dyshon se viktimat kishin njohje me autorin
Andrea dhe Martin Olldashi janë ekzekutuar në fshatin Zvirinë të Maliqit me një pistoletë. Hetuesit kanë gjetur në vendin e ngjarjes gëzhoja që dyshohen të një arme tip pistolete dhe po kryhet akt ekspertimi për to.
Sipas Policisë në Pogradec ka dyshime se dy vëllezërit janë vrarë pikërisht tek vendi ku u gjetën trupat, në një zonë që nuk ka lëvizje dhe banesa.
Burime nga Policia saktësuan se kanë të dhëna që Andrea dhe Martin Olldashi janë marrë me një makinë nga Pogradeci dhe kanë çuar në zonën ku ndodhi vrasje. Sipas hetuesve kjo shton dyshimet se viktimat njihen me autorin ose autorët. Pikërisht pranë një Kishe, ata janë qëlluar me plumba në kokë dhe në gjoks.
Shkak i vrasjes dyshon konfliktet, kjo edhe nga e kaluara e Martin e Andrea Olldashit, të arrestuar dhe dënuar për disa vepra penale.
Dy vëllezërit ishin zhdukur që më datën 7 Dhjetor dhe trupat u hodhën në një kanal, ku një banorë i zonës që po kalonte aty, i zbuloi dhe lajmëroi uniformat blu.
Tv Klan