Policia e Fierit arreston një person me drogë – (25 Nëntor 2000)
Lajme Arkiva – TV Klan 2000
Forcat e komisariatit të policisë së Fierit, më datën 25.11.200, rreth orës 6, në bazë të informacioneve që disponoheshin, për mbajtje të bimëve narkotike, ushtruan kontroll në banesën e shtetasit Bashkim Yzeiri, banor i fshatit Gjorgos të rrethit Fier. Gjatë kontrollit të ushtruar në këtë banesë, u gjetën dhe u sekuestruan 50 kg bimë narkotike, kanabis sativa e futur në 6 thasë plastikë.
Nga deklarimet e marra, shtetasi Bashkim Yzeiri, deklaroi se këtë sasi e dispononte, pasi kishte kultivuar në tokën e tij bimë narkotike dhe sasinë e drogës e ruante në pritje për ta shitur. Për shtetasin Bashkim Yzeiri, u mor masa e arrestit në flagrancë./tvklan.al