Policia italiane kap 6 gomone me klandestinë (27 Janar 1999)
Policia italiane po e shkallëzon veprimtarinë e saj ndaj trafikut të klandestinëve. Gjatë natës së mbrëmshme dhe mëngjesit të sotëm, motovedetat italiane kanë ndaluar 6 gomone me rreth 200 klandestinë.
Gjashtë drejtuesit e gomoneve janë arrestuar nga policia italiane. Sipas bilancit, që nga fillimi i vitit janë ndaluar gjithsej 16 gomone të nisura nga brigjet shqiptare kryesisht nga Vlora me qëllim Italinë. Si zakonisht shumica e klandestinëve ishin kosovarë të cilët nga dita në ditë rrisin numrin e të shpërngulurve nga zonat e luftës në Kosovë./tvklan.al
Gazetare : Mirela Milori