Policia, kontroll në kryeqytet – (25 Maj 1999)
Arkiva Lajme – Tv Klan 1999
Tirana nën darën e policisë veçanërisht Parku Rinia në qendër të kryeqytetit dje dhe sot kanë ndjerë më shumë se kurrë kontrollet e uniformave blu. Të tronditur nga prishja e rendit sidomos pas vrasjes së djeshme të ish-efektivit të Gardës Gani Neza. Policia ka kontrolluar mbrëm të gjitha lokalet e parkut të mbipopulluar tashmë edhe nga qindra kosovarë.
Dhjetë kosovarë janë ndaluar mbrëm nga forcat e policisë të komisariatit 3 dhe rezultoi se pesë prej tyre mbanin me vete pistoleta. Për këta pesë persona policia kryeqytetase po punon për identifikimin dhe verifikimin e tyre. Por kontrolle të uniformave blu janë ushtruar edhe mbi lokale të tjera.
Nën kontrollin e policisë janë vënë edhe lagjet periferike në Kamëz, Vorë, Krrabë, Dajt dhe Ndroq. Kontrolle nga të cilat u sekuestruan disa armë automatike. Kontrolli i policisë në kryeqytet sipas drejtuesve të saj do të vazhdoj me të njëjtën forcë edhe në ditët në vazhdim./tvklan.al
Gazetar – Eduart Frangaj