Poliklinika e Shijakut me probleme edhe pas rikonstruksionit – (26 Janar 2001)
Lajme Arkiva – TV Klan 2001
Kjo është poliklinika e qytetit të Shijakut. Ka vetëm një muaj që në të ka mbaruar rikonstruksioni i përgjithshëm, por rezultatet duket se nuk janë të kënaqshme. Firma ndërtuese ka lënë mjaft mangësi gjatë ndërtimit që ende nuk ka përfunduar. Mos bërja e termoizolimit dhe hidroizolimit, ka bërë që në mure të shfaqet lagështia dhe myku.
Projekti i ndërtimit, ende i pambaruar e ka lënë poliklinikën edhe pa 9 dritare. Ambientet e kësaj poliklinike më parë ishin garazhe dhe magazina të spitalit, por një projekt dhe fond i veçantë i Kryqit të Kuq spanjoll dhe belg, e ktheu atë në qendër kurimi. Në këtë poliklinikë, ende nuk është lidhur kontrata me filialin e KESH-it në Durrës, kështu në këto kushte këtu punohet pa drita.
I gjithë problemi është ngritur nga personeli i kësaj klinike, të cilët kanë kërcënuar edhe me grevë, nëse firma që e ndërtoi nuk kryen mbarimin e punimeve./tvklan.al