Preç Zogaj prezanton kandidatin e PAD për Bashkinë e Sukthit – (14 Shtator 2000)
Lajme Arkiva – TV Klan 2000
Partia Aleanca Demokratike, ka paraqitur kandidatin e saj për bashkinë e Sukthit, Adem Salillari. Anëtari i presidencës së PAD, Preç Zogaj, i ka kërkuar elektoratit të zonës, që të vlerësojë dhe të përkrah punën e kandidatit të PAD-së, për përmirësimin e kushteve të jetesës të banorëve të kësaj bashkie. Zogaj kërkoi që banorët e bashkisë së Sukthit, të kuptojnë drejt qëllimin e fushatës së PAD, e cila bëhet për t’i ofruar elektoratit alternativën më të mirë, larg korrupsionit dhe demagogjisë.
Kandidati i partisë Aleanca Demokratike, për bashkinë e Sukthit, Adem Salillari, i paraqiti elektoratit programin e tij, duke premtuar zgjidhje të problemit të papunësisë nëpërmjet qeverisjes eficente, shfrytëzim të potencialeve intelektuale, për të menaxhuar drejt zonën dhe për të zgjidhur problemin e ujit, telekomunikacionit, sistemit arsimor dhe shëndetësor./tvklan.al
Gazetar – Vladimir Lame