Presidenti Klinton mesazh falënderimi gazetës “Albania” – (24 Gusht 2000)
Lajme Arkiva – TV Klan 2000
“Ne Luftën, ju Paqen” është ky libri i botuar në 1 vjetorin e çlirimit të Kosovës dhe që mban për autor presidentin e SHBA Bill Klinton. Libri u botua nga gazeta “Albania” dhe u mirëprit nga publiku shqiptar, i cili në faqet e tij, gjeti rresht pas rreshti historinë e ditëve të bombardimeve, replikat dhe mendimet e atyre ditëve të ngarkuara shumë më tepër për NATO-n dhe diplomacinë evropiane dhe amerikane.
Një prej kopjeve të këtij libri, i është dërguar dhe presidentit amerikan, i cili sot i ka nisur gazetës “Albania”, një mesazh urimi dhe falënderimi për këtë dhuratë. Presidenti Klinton e vlerëson atë si një dhuratë të respektueshme dhe shpreh konsideratën dhe mirënjohjen e tij për botimin e librit nga gazeta “Albania”, në një vjetorin e çlirimit të Kosovës./tvklan.al
Gazetare – Mirela Milori