Presidenti Mejdani tek Don Bosko – (30 Nëntor 1999)
Arkiva Lajme – Tv Klan 1999
Të ruajmë gjuhën, kulturën dhe traditat shqiptare për t’i shpëtuar homogjenizimit që kërcënon kombet e vegjël. Kështu ju është drejtuar sot Presidenti Mejdani nxënësve të qendrës së formimit profesional “Don Bosko”. Kjo qender kualifikon të rinjtë shqiptarë nëpërmjet kurseve, si sekretari, informatike, elektricist, muratorë e të tjerë nën kujdesin e mësuesve shqiptarë e italiane.
Mejdani ka qenë i ftuar nderi nga nxënësit e drejtuesit shqiptarë e italianë të kësaj qendre. Pas ndarjes së disa çmimeve të konkursit të organizuar nga vetë qendra “Don Bosko” nxënësit e kësaj shkolle kanë paraqitur pjesët më të njohura të letërsisë shqipe si dha kanë kënduar Himnin Kombetar.
Ngritja simbolike e flamurit tonë në oborrin e kësaj shkolle si dhe vizitat në klasat e saj kanë përfunduar takimin e Presidentit Mejdani në qendrën “Don Bosko”./tvklan.al
Gazetare – Ornela Bego