Presidenti Nishani uron festën e Sulltan Novruzit
Me anë të një postimi në Facebook, Presidenti Bujar Nishani ka uruar të gjithë besimtarët bektashinj festën e Sulltan Novruzit. Kreu i shtetit shkruan se festa e besimtarëve bektashinj është në të njëjtën kohë me festat e pranverës, pasi si të gjitha besimet fetare, bektashizmi si filozofi dhe mënyrë jetese ka përçuar ndër shekuj respektin për të mirën dhe të vlertën, mirësinë dhe maturinë.Presidenti shprehet se koncepti i paqes brenda njeriut dhe midis njerëzve është themeltar në bektashizëm, ashtu sikurse harmonia, mirëkuptimi, tolerimi, dashamirësia, si shtyllat mbi të cilat mbështetet besimi i kësaj feje.Në fund të fjalës së tij Presidenti Nishani shkruan: “Me rastin e fesë së Sulltan Nevruzit ndjej veten me fat t’u uroj bektashinjve kudo ku ndodhen, por edhe gjithë popullin tonë këtë festë fetare thellësisht njerëzore, sëbashku me të gjithë bashkëqytetarët tanë.”