Pronarët: Qeveria të zbatojë vendimet e Strasburgut
Pronarët i kërkojnë qeverisë të zbatojë vendimet e gjykatës së Strasburgut që u njeh atyre të drejtën e kompensimit finaciar të pronës. Këshilli i Evropës i ka vënë ultimatum qeverisë që brenda datës 7 Mars të paraqesë një plan konkret zgjidhjeje.Në bazë të përllogaritjeve të shoqatës Pronësi me Drejtësi , 60 vendimet e marra nga gjykata e Strasburgut në favor të pronarëve arrijnë një vlerë kompensimi afro 300 milionë eurosh, para këto që duhet të paguhen nga shteti shqiptar.