Pronari gjen të shkrumbuara dy makinat e tij
Dy makina janë djegur gjatë natës në fshatin Çorraj të Himarës. Policia e Vlorës ka njoftuar mëngjesin e së enjtes se të dy mjetet ishin në pronësi të një banori të këtij fshati.
Në momentin që kanë marrë flakë, ato kanë qenë të parkuara përpara banesës së tij.
“Gjatë natës, në fshatin Çorraj, Himarë, kanë marrë flakë dy automjete të tipit Mercedes Benz-ML270 dhe Mercedes Benz furgon, në pronësi të shtetasit A.H të cilat ishin të parkuara përpara banesës së tij”.
Ende nuk dihen shkaqet e nisjes së zjarrit. Megjithatë grupi hetimor po punon për përcaktimin e tyre./tvklan.al