Protesta e opozitës, Policia publikon planin e masave: Rrugët që bllokohen
Policia ka njoftuar se duke filluar nga ora 22:00 e mbrëmjes së sotme dhe deri në përfundimin e protestës ditën e hënë nuk do të lejohet lëvizja e mjeteve në Rrugën “Xhorxh Bush”, para parlamentit.
Po ashtu, nesër nga ora 07:00 deri në përfundim të protestës, në hyrje të qytetit dhe në unazat e mesme, nuk do të lejohet qarkullimi i mjeteve të tonazhit të rëndë, të cilat do të devijojnë në Unazën e Madhe dhe rrugë të tjera alternative.
Policia thotë se mjetet e transportit të ardhura nga rrethet nuk do të lejohen në brendësi të qytetit.
Njoftimi i Policisë:
Në kuadër të zhvillimit të protestës të Partisë Demokratike, më datë 18 Dhjetor 2017, ora 09.00 -13.00, para Parlamentit, Drejtoria Vendore e Policisë Tiranë, ju bënë me dije se:
Duke filluar që më datë 17.12.2017, në orën 22:00 dhe deri në përfundimin e protestës ditën e nesërme nuk do lejohet lëvizja e mjeteve në rrugët e mëposhtme:
- Rruga “Xhorxh Bush” ( nga Ura e Elbasanit – kryqezimi tek sheshi “Sulejman Pasha”
Spostimi te rruga “Xhorxh Bush” dhe rrugicat që kufizohen me të do filloj nga ora 22:00 e datës 17.12.2017.
Nesër nga ora 07:00 deri në përfundim të protestës në hyrjet e qytetit dhe brenda unazës se mesme nuk do lejohet qarkullimi i mjeteve të tonazhit të rëndë të cilat do devijojnë në Unazën e madhe dhe rrugë të tjera alternative.
Do ketë devijim të trafikut në shumë akse rrugore.
Mjetet e transportit të ardhur nga rrethet nuk do lejohen në brendësi të qytetit dhe do te parkohen :
- Tek Terminali në rrugën e “Elbasanit”
- Sheshi “Shqiponja”, rruga “Teodor Keko”.
- Në hyrje të Kombinatit deri tek varrezat e Kombinatit.
- Gjithashtu do te ndalohet futja e mjeteve tek Ura e “Paskuqanit” dhe ura e “Babrroi”.
I sugjerojmë qytetarëve të largojnë mjetet e tyre në rrugët e sipërcituara duke lehtësuar së tepërmi punën e policisë.
Në të kundërt mjetet do spostohen me mjete ngritëse.
Gjithashtu luten qytetarët që të shmangin përdorimin e panevojshëm të automjetit ditën e neserme si dhe segmentet që të lidhin me qendren e qytetit dhe rrugen e Elbasanit për shkak te devijimeve dhe kufizimeve që do fillojnë nga ora 08:00 e mengjesit deri në përfundim të protestes.
/tvklan.al