Protesta në qytetin e Bajram Currit, Ministria e Rendit forcon masat e sigurisë (9 Tetor 2000)
Një grup banorësh të qytetit të Bajram Currit në Tropojë kanë protestuar kundër forcave policore në këtë qytet. Protestuesit qëndruan rreth një orë në sheshin kryesor të qytetit. Kërkuan dhe lirimin e disa personave të arrstuar nga policia për përfshirjen në konflikt me forcat e rendit.
Qytetarët kanë hedhur parrulla në favor të opozitës dhe kundra qeverisë. Policia nuk ka ndërhyrë. Ndërkohë disa të ndaluar nga Bajram Curri janë dërguar në qytetin e Kukësit ku Gjykata ka vendosur masën e arrestit. Pas ngjarjeve të fundit në këtë qytet Ministria e Rendit jo vetëm ka forcuar masat e sigurisë, por edhe ka bërë ndryshimin në radhët e policisë tropojane./tvklan.al
Gazetar: Vladimir Lame