Pukë/Asgjesohen 5 700 bimë narkotike
Pukë – Shërbimet e Komisariatit të Policisë Pukë, në vijim të punës së pandërprerë dhe zbatimit të plan-operacioneve për goditjen dhe parandalimin e kultivimit të bimëve narkotike, kanë finalizuar me sukses operacionin e radhës.
Në bazë të të dhënave të siguruara në rrugë policore, Efektivët e Komisariatit të Policisë Pukë kanë ushtruar kontrroll në territorin e fshatit Rras, Njësia Administrative Gjegjan Pukë në një zonë të pyllëzuar me pisha, pa pronar, të cilën e kanë shpyllëzuar autorët e dyshuar për këtë aktivitet kriminal.
Gjatë kontrollit të ushtruar u gjetën dhe u asgjësuan me anë të djegies 5 parcela me 5 700 bimë narkotike të dyshuara të llojit kanabis sativa që varionin me gjatësi nga 80 deri në 180 cm.
Po punohet për identifikimin dhe vënien para përgjesgjesisë penale të të gjithë autorëve të këtij aktiviteti kriminal.
Materialet i’u referuan Prokurorisë së Rrethit Gjyqësor Pukë për veprime të mëtejshme për veprat penale “Kultivimi i bimëve narkotike” dhe “Prerja e paligjshme e pyjeve”./tvklan.al