Putin fton Trumpin në Moskë
Presidenti rus, Vladimir Putin bëri të ditur se ka ftuar në Moskë presidentin e Shteteve të Bashkuara të Amerikës, Donald Trump. Putin tha se ai dhe Trump janë të gatshëm të takohen në samitet e ardhshme.
Gjithashtu, presidenti rus tha se bisedat telefonike mes Moskës dhe SHBA nuk ishin të mjaftueshme. Vladimir Putin tha se duhet të takohet me Trump për të diskutuar në lidhje me marrëveshjen për armët bërthamore të Iranit dhe konfliktet globale.
Putin dhe Trump u takuan në Helsinki më 16 korrik 2018, por Trump u përball me kritika të mëdha nga republikanët dhe demokratët në Shtetet e Bashkuara, të cilët thanë se ai kishte marrë anën e Rusisë në vend të SHBA-së./REL