Putin njeriu më i pushtetshëm në botë, Forbes publikon listën për vitin 2016
Në Tokë jetojnë rreth 7.4 miliardë njerëz por duket sikur vetëm 74 burra dhe gra e bëjnë botën të rrotullohet. Ata janë njerëzit më të pushtetshëm në planet, sipas listës së përvitshme të Forbes.
Për të katërtin vit radhazi, Forbes ka renditur të parin presidentin rus Vladimir Putin si njeriun më të fuqishëm në botë. Që nga vend i tij i lindjes, zhvillimet në Siri, e deri tek zgjedhjet presidenciale të SHBA, lideri rus vijon të marrë atë që do.
Në vendin e dytë, është presidenti i zgjedhur i SHBA, Donald Trump i cili pasohet nga gruaja më e fortë në botë, Angela Merkel, kancelarja e Gjermanisë.
Mes qindra mijëra kandidatëve, ne njerëzit me ndikim dhe fuqi në të gjithë planetin është edhe Papa Françesku i cili renditet në vendin e 5-të të listës së Forbes.
Në listën me 74 persona janë edhe 11 emra të rinj, mes tyre Theresa May, kryeministrja e Britanisë së madhe, Rodrigo Duterte, Presidenti i Filipineve por edhe Presidenti turk Recep Taip Erdogan./ tv klan