Rama: Bashkia e Delvinës, shembull i keqpërdorimit të administratës
Në Sarandë, Kryeministri Edi Rama mori Bashkinë e Delvinës që drejtohet nga Rigels Balili, përfaqësues i LSI dhe kushëri i të kërkuarit për trafik ndërkombëtar droge, Klemend Balili, si shembullin më të mirë të përdorimit të administratës nga partitë politike për interesa partiake e familjare.
Rama tha se me hyrjen në fuqi të Reformës në Drejtësi, ata që kanë vjedhur pronat e shqiptarëve, s’do t’i gëzojnë ato.
Edhe në një takim në Gjirokastër, Rama kërkoi votat për ta ndarë administratën nga klientelizmi.
Më herët, Kryeministri ishte në Nivicë, ku takoi kryetarin e Partisë Demokratike, i cili i premtoi votën për të.
Tv Klan