Rama: Rrisim pagat e pedagogëve
Pas mjekëve e policëve edhe pedagogët do të përfitojnë nga rritja e pagave. Lajmin ua komunikoi vetë kryeministri Edi Rama gjatë një takimi që zhvilloi me rektorë e drejtues të arsimit të lartë.
Kryeministri Edi Rama: Për 2017 do rrisim pagat si asnjëherë më parë
Kryeministri kujtoi edhe premtimin e bërë nga rektori i universitetit të Tiranës, Mynyr Koni për rritje të pagave gjatë fushatës.
Kryeministri Edi Rama: Nuk e di si e kishte menduar rektori rritjen e pagave por unë jam sot për tu thënë që premtimi i tij do realizohet dhe e kam zili se imagjino sa bukur do ishte për mua sikur të miat t’i realizonte dikush tjetër.
Për kryeministrin reforma e ndërmarrë nga qeveria e tij ndryshoi tërësisht sistemin arsimor në vend mbi bazën e meritë-preferencës.
Kryeministri Edi Rama: Ky është vetëm fillimi i një procesi, ku konkurrenca duhet të ashpërsohet vit pas viti dhe ku hyrja në universitet duhet të bëhet më e vështire, jo më e lehtë për të siguruar që kush del nga universiteti është një shërbëtor i ditur i këtij populli dhe këtij shteti.
Rama e cilësoi rrënuese për sistemin arsimor skemën e vjetër financimit, që sipas tij toleronte universitetet private që të ktheheshin në një ndërmarrje fitimprurëse./ TV KLAN