Rama inspekton punimet në HEC-in e Banjës
Kryeministri Rama inspektoi sot punimet në hidrocentralin e Banjës, një investim që sipas tij do të hapë me mijëra vende pune dhe që do t’i japë Shqipërisë një vepër të standardeve europiane.E para, tha kryeministri, ne do të bëjmë çdo gjë, ditë e natë, për të mbështetur të gjithë investitorët dhe investimet e tilla, si ky, që plotësojnë standardet si kudo në Europë, standardet që meriton Shqipëria. E dyta, ne i mbështesim plotësisht këto lloj investimesh dhe çdo investim që krijon vende pune të reja, vazhdoi ai. Krijimi i vendeve të reja punës është një lajm i mirë. Është fantastike që këtu do të krijohen disa mijëra vende të reja pune, ndërkohë që ekzistojnë disa qindra tashmë, dhe që në 3 vitet e ardhshme do të arrijnë në afro 3 mijë vende të reja pune, përfundoi kryeministri.Pas inspektimit të punimeve në HEC-in e Banjës kryeministri Edi Rama vizitoi një fidanishte në qytetin e Çërrikut, duke kërkuar nga ministri i Mjedisit, që projekte të tilla të shtrihen në të gjithë vendin.