Rama paralajmëron deputetët socialistë: Mos punësoni me mesazhe
Kritik dhe i ashpër është treguar kryeministri Edi Rama me deputetët e tij. Mësohet se në mbledhjen me dyer të mbyllura të Grupit Parlamentar të Partisë Socialiste, kryetari i tyre i ka kërkuar që të mos merren me punësime, përmes mesazheve nga celulari, por të lenë konkurset të funksionojnë.
Punësimet në administrate duhet të bëhen përmes konkurseve – u ka thënë kryeministri Rama deputetëve të tij. Ai i ka bërë thirrje të zgjedhurve socialistë të shpërndahen nëpër zona, që të jenë më pranë qytetarëve.
“Ata kanë halle, bëni kujdes me qytetarët”
– i ka paralajmëruar deputetët e grupit parlamentar socialist kryeministri Edi Rama. /abcnews.al