Rama takim me pedagogë të Gjeologjikut: Mësova gjëra të reja
Kryeministri Edi Rama ka zhvilluar një takim me pedagogë dhe studentë të Fakultetit të Gjeologjisë, të kërkuar nga vet kreu i qeverisë.
Në një postim në rrjetet sociale, Kryeministri shkruan se nga bashkëbisedimi me studentë dhe pedagogë të Gjeologjikut ka mësuar gjëra të reja, por ka lënë të hapur mundësinë e takimeve të tjera.
“Faleminderit për mikpritjen grupit të studentëve dhe pedagogëve të Gjeologjikut,me të cilët patëm një bashkëbisedim të dobishëm për Dialogun(e në fakt zhvilluam vetë Dialogun). Mësova gjëra të reja prej tyre, mbase edhe ata e kuptuan mirë se ku e kam hallin unë. Nesër vazhdojmë”
, thotë Kryeministri Edi Rama.
Studentët protestojnë prej 13 ditësh duke kërkuar plotësimin e 8 kërkesave të tyre. Ata refuzojnë dialogun me Kryeministrin Edi Rama. Nga ana tjetër, ky i fundit është shprehur i gatshëm për përmbushjen e 8 pikave, por kërkon dialog me ta. Studentët kanë refuzuar të gjitha ftesat e Kryeministrit.
/tvklan.al