Video/ Rama takon Tsipras: Kapitull i ri partneriteti strategjik për të ardhmen
Kryeministri Edi Rama është takuar këtë të enjte me Kryeministrin grek, Alexis Tsipras. Ka qenë ky i fundit i cili ka postuar një foto në Twitter nga ky takim, ku morën pjesë edhe dy ministrat e Jashtëm.
Ndërsa vetë Kryeministri Rama postoi pamje në rrjetet sociale nga ky takim, ku dhe shkruajti:
“Davos – Me Kryeministrin e Greqisë, Alexis Tsipras, për progresin e bërë deri më tani përmes dialogut dypalësh; në adresimin e çështjeve të bartura të së shkuarës, në funksion të çeljes së një kapitulli të ri partneriteti strategjik për të ardhmen.
Objektivi i përbashkët finalizimi i dialogut dhe nënshkrimi në pranverë i Dokumentit të Partneritetit Strategjik në Tiranë”.
Kryeministrat ndodhet aktualisht në Davos, ku marrin pjesë në Forumin Ekonomik Botëror. Ky takim vjen dy ditë pas negociatave tre ditore të ministrave të Jashtëm, Kotzias dhe Bushati, në mbajtura në Korçë.
/tvklan.al