• Shpërndaje

Një ditë pas ftesës së zotit Mejdani drejtuar shoqatave dhe partive politike për të propozuar kandidaturat në Komisionin Qëndror të Zgjedhjeve, kanë reaguar opozitarët. Nënkryetarja demokrate Jozefina Topalli u shpreh:

“Në fillim do tu rikthehemi dhe njëherë përpjekjeve të Partisë Demokratike për ta formalizur ardhjen e propozimit të KQZ-së të partive politike. Kjo duhej të ishte e shkruar në ligj për të menaxhuar pikërisht nenit që i përkiste, mënyrës së ardhjes së propozimit. Natyrisht për Partinë Demokratike është e rëndësishme të shfrytëzohet çdo mundësi dhe çdo dritare që hapet megjithatë un dëshiroj të përsëris që zoti Mejdani përpara se ti drejtohej partive politike i është drejtuar shoqatave dhe gjithsesi për ne mbetet një pakt që emërimi i dekretimit të KQZ-së të mbetet një subjektivizëm i zotit Mejdani. Për ne është e rëndësishme që raporti që ka pas ekzistuar dhe para vitit 1997 jo vetëm të komisioneve të zgjedhjeve por dhe në komisionet e tjera.”

Fatmir Mediu u shpreh se kjo është një lojë politike e Presidentit.

” Me këtë respektimin e Kushtetutës së shkelur kemi kërkuar që të bëhen 3 propozime nga partitë politike duke përfshirë gjithë partitë politike sipas renditjes që ata kanë në raportet elektorale dhe pastaj edhe Avokati i Popullit i cili pretendohet të jetë i pavarur, i jepet e drejta të propozojë një të Këshillit të Lartë të Drejtësisë. Pra ti propozohet nga partitë politike Presidentit nga të dy krahët, mazhorancës dhe opozitës dhe pastaj ti propozohet Parlamentit”./tvklan.al

Gazetar: Vladimir Lame