Real Madrid dhuron spektakël
Reali i Madridit ka lënë pas krizën dhe këtë e tregoi ndaj Betis Sevilla. Në stadiumin Villamarin tifozët ndoqën një spektakël të vërtetë futbolli. Ndeshja e hapur me dy skuadra që luajtën pa komplekse dhe shënuan plot 8 gola.
Madrilenët fituan 5-3. Asensio kaloi madrilenët në avantazh, që në minutën e 11’, por vendasit barazuan dhe arritën të përmbysin brenda 45-minutëshit të parë. Në pjesën e dytë skuadra e Zidane rriti ritmin dhe volumin e lojës dhe shënoi 3 herë me Asensio, Sergio Ramos dhe Ronaldo.
Betis nuk hoqi dorë deri në fund dhe rihapi lojën me golin e Leon në minutën e 85-të, por Los Blancos shënuan edhe një gol tjetër në minutat shtesë, me anë të Benzema. Reali vijon të mbetet në vendin e 4-t, me 45 pikë.
Tv Klan