Real Madrid jep 180 mln euro për Mbappe
Real Madrid po kërkon me ngulm francezin Kylian Mbappe, madje ka edhe një akord. Sipas një artikulli në gazetë “Marca” madrilenët janë gati të shpenzojnë 180 milionë euro për sulmuesin e Monaco.
Një shifër rekord që nuk është paguar më parë në transferimin e një futbollisti. Për Mbappe është gati një kontratë 6-vjeçare me pagë 7 milionë euro në sezon. interes për 18-vjeçarin kanë shfaqur edhe Manchester City, Arsenal e Paris Saint Germain.
Të gjitha ofertat për Kylian Mbappe i kalojnë 100 milionë eurot. Disa ditë më parë Monaco ngriti shqetësim për kontakte të disa ekipeve me lojtarin dhe përfaqësuesit e tij.
Drejtuesit e klubit francez ishin mënjanuar dhe për këtë do t’i kërkohet FIFA-s të marrë masa. Kylian Mbappe shkëlqeu sezonin e kaluar me Monaco në kampionat dhe Champions League.
Tv Klan