Real Madrid në “gjuetinë” e Mbappe
Real madrid shpreson që UEFA të vendosë në dëm të PSG sa i takon Fair Play financiar. Në këtë mënyrë skuadra franceze do të jetë e detyruar të shesë një prej dy futbollistëve, Mbappe ose Neymar që të ulë borxhin në 250 milionë Euro. Spanjollët e Madrid po shpresojnë të mbushin hapësirën e lënë nga Cristiano Ronaldo me afrimin e një sulmuesi cilësor.
Në majë të listës së tyre është edhe Kylian Mbappe. Operacioni duket disi jo i lehtë, pasi për kampionin e Botës dhe protagonist në Rusi, kërkohen jo më pak se 150 milionë Euro. Një shënjestër më e arritshme duket se është Rodrigo i Valencias. Sezonin e shkuar shënoi 16 gola në La Liga. Paraqitja e tij në këtë skuadër i siguroi një vend në kombëtaren spanjolle në Botëror. Për 27-vjeçarin, Valencia kërkon 100 milionë Euro.
Tv Klan