Real merkato tek Chelsea
Real Madrid troket në portën e Chelseaa për të kërkuar lojtarë dy e nga dy. Në tentativën më të fundit, bashkë me Courtois nuk është Hazard, por Willian. Sipas mediave angleze klubi spanjoll ka lëshuar një ofertë dyshe prej 112 milionësh për portierin dhe sulmuesin.
Për Courtois oferta është 40 milionë euro ndërsa për brazilianin do të jetë 73 milionë. Interesimi për Willian ka ardhur pasi madrilenët i druhen një largimi të mundshëm të Bale.
Sipas mediave, oferta e Real Madrid është para me sy të mirë në Londër dhe do të konsiderohet me vëmendje. Zyrtarët e Stamford Bridge, u treguan të disponueshëm të studionin ofertat për Willian kur Barcelona tregoi interes për të.
Më së shumti interesimi i Real Madrid është për portierin. 26-vjeçari është shumë premtues jo vetëm për moshën, por paraqitja që bëri me kombëtaren e tij belge në botërorin e Rusisë ia ka rritur shumë vlerat. Aq sa Real Madrid është bindur më shumë se kurrë dhe po këmbëngul që t’ia marrë Chelsea.
Tv Klan