• Shpërndaje

Vazhdojnë debatet për të ardhmen e Teatrit Shqiptar, ndërkohë që Asambleja e Teatrove të Shqipërisë dhe Sindikata e Aktorëve, kanë vendosur se nëse nuk plotësohen kërkesat e tyre do të pezullojnë dhënien e shfaqjeve në të gjithë teatrot shqiptare. Por a duhet të vazhdojnë reformat në Teatrin Shqiptar. Dy kërkesat kryesore të aktorëve janë dorëheqja e Ministrit të Kulturës Rama dhe pezullimi i përgatitjes së projektligjit për Teatrin.

Disa nga aktorët u shprehën:

Ferdinand Radi: Këtu nuk flitet që aktorët nuk janë dakort për reformën. Të gjithë aktorët sidomos aktorët që aktualisht janë sot në punë janë për reformën në Teatër. Por këtë reformë duhet ta bëjnë personalitete të teatrit, njerëz që kanë punuar me teatrin, që e njohin mirë teatrin. Unë e kam thënë në shtyp nuk them që do të shkatërrojë Teatrin Kombëtar po them
që do të shkatërrojë kulturën shqiptare.

Por edhe zërat kundër kërkesave të teatrove shqiptare janë rritur duke kërkuar që reforma dhe përgatitja e projektligjit për Teatrin të vazhdojnë.

Alfred Trebicka: Teatri nuk duhet parë si azil, që dikush mund të thotë që kam 20 vjet apo 30 vjet që punoj këtu dhe për hir të këtyre 30 vjetëve do të marrë një shpërblim në thonjëza, që të vazhdojë të jetojë në teatër. Në Teatër do të jenë ata që vërtet kanë punuar dhe 30 vjet por që janë vërtet profesionistë./tvklan.al

Gazetar : Altin Hazizaj