Refugjatët kosovarë në kampe, vizita nga aktori Richard Gere (30 Prill 1999)
Drama e refugjatëve kosovarë në kampet në Maqedoni vazhdon akoma. Tashmë për ta jeta në kamp është shndërruar në monotoni. Duhet të presin me orë të tëra radhën për t’u ushqyer. Por një nga problemet më të mëdha për ta është higjena. Mungesa e së cilës ka lindur në kamp mjaft sëmundje. Por problemet kosovarët kanë pasur rastin t’i harrojnë për pak momente në takimin me aktorin Richard Gere, i cili ka vizituar kampet e tyre në Maqedoni dhe ka thënë se ju kosovarët i ngjani popullit tibetian.
Ashtu si tibetianët ju jeni të dëbuar nga vendi juaj megjithatë unë shpresoj për ju, ka thënë Gere. Janë shtuar masat e sigurisë për ndihmat që u jepen kosovarëve. Që dje një eskortë ushtarake i shoqëron ata deri në mbërritjen në destinacion. Mes gjithë këtyre problemeve fëmijët janë më entuziastë. Ata vazhdojnë të shoqërojnë çdo gjë me sy dhe buzëqeshin gjatë gjithë kohës./tvklan.al
Gazetar: Eduart Frangaj