• Shpërndaje

Arkiva Lajme – Tv Klan 1999

Shiu i dendur i këtyre ditëve ka vështirësuar shumë kushtet e të ardhurve nga Kosova që janë strehuar tek çadrat e qendrës sportive këtu në Tiranë. Shiu dhe të ftohtët kanë depërtuar thellë në çadrat e mbipopulluara. Nata e mbrëmshme ka qenë nga më të vështirat për njerëzit që jetojnë në këto çadra.

Refugjatët kosovar ankohen për gjendjen e renduar në çadra.

Sot njerëzit kanë filluar të minimizojnë pasojat e djeshme, për ti paraprirë një situate po kaq të vështirë. Disa mundohen të devijojnë ujin përmes çadrës, ndërsa të tjerët të heqin llucën apo të sigurojnë një plasmas. Ndërkohë kërkesat dhe ankesat janë shtuar pranë drejtuesve të këtij kampi. Këta njerëz kërkojnë vetëm të shmangin ujin dhe të ftohtin që gjithësesi nuk kanë kaluar pa pasoja.

Kjo vajzë gjendet e sëmurë rëndë që nga nata e mbrëmshme. Deri sot shëndeti i saj është përkeqësuar. Sipas mjekut të urgjencës kjo gjendje e rëndë shëndetësore është pasojë vetëm e të ftohtit dhe ujit që depërton brenda çadrave. Gjithkush nga të ardhurit do të donte të strehohej në një nga shtëpitë portative por deri tani shumë pak prej tyre e kanë këtë mundësi./tvklan.al

Gazetare – Holta Zhiti