Rekord i ri prej 143 mijë infektimesh ditore në SHBA
Masat e ashpra mbajnë nën kontroll përhapjen e Covid-19 në Europë
Nëntori po thyen rekorde infektimesh me Covid në Shtetet e Bashkuara. Këtë 24 orësh u thye sërish rekordi i infektimeve ditore që prej nisjes së pandemisë, me afro 143 mijë raste të reja. Një ditë më parë, rekordi preku mbi 139 mijë raste.
Mbi 100 mijë raste po shënohen prej 9 ditësh, teksa ekspertët e përshkruan gjendjen si katastrofike. Rekorde kanë shënuar edhe shtrimet ditore në spitale mbi 65 mijë. Situata më e rëndë paraqitet në Teksas, shteti i parë federal amerikan që ka arritur mbi 1 milionë të prekur nga Covid-19. Shtetet e Bashkuara kryesojnë listën botërore me shifrat e Covid-19.
Administrata Trump është vënë në qendër të kritikave për keqmenaxhimin e pandemisë për shkak të refuzimit për të ndërmarrë masa të ashpra për mbajtjen nën kontroll të përhapjes. Përhapja duket se është vënë nën kontroll në Francë ku përmes karantinës së dytë kombëtare kanë rënë ndjeshëm shifrat e infektimeve ditore, duke ulur po ashtu edhe presionin e jashtëzakonshëm në spitale.
Karantina e pjesshme ka ndikuar në ruajtjen e shifrave të qëndrueshme edhe në Gjermani e Britaninë e Madhe.
Tv Klan