Restaurohet salla e Akademisë së Arteve – (1 Shtator 2000)
Lajme Arkiva – TV Klan 2000
Kjo është salla e shfaqjeve në Akademinë e Arteve. Ka mbi 40 vjet që nuk ka parë me sy asnjë restaurim. Dy vjet më parë u rregullua vetëm ndriçimi dhe fonia në skenë, për më tej fondet nuk mjaftuan. Së fundi Ministria e Arsimit vendosi të lironte një fond prej 10 milion lekësh të reja, për të ndryshuar kështu platenë qendrore.
Puna ka filluar për riparimin dhe shtrimin e dyshemesë, vendosjen e kolltuqeve të rinj, risuvatimin e degraduar të mureve etj. Nën skenografinë e Agim Zajmit është vendosur se si do të bëhen këto punime. Kaldaja e vjetër është zëvendësuar me dy kaldaja të reja, të cilat do të bëjnë ngrohjen e sallës në dimër. Këto punime priten të mbarojnë para fillimit të vitit të ri akademik./tvklan.al