Reuters: Statusi i Shqipërisë në dorë të Çekisë
Teksa mbeten edhe fare pak ditë nga samiti i BE të 26-27 Qershorit ku do të vendoset për marrjen e statusit kandidat për Shqipërinë, Çekia mund të vendosë veton.Shkak i kësaj situate është mosmarrëveshja për kompaninë “CEZ Shpërndarje”, ish-pjesë e grupit CEZ, që zotërohet në 70% të tij nga shteti çek.Sekretari i Shtetit për Çështjet e BE në këtë shtet anëtar të Union, Tomash Pruza, ka deklaruar – ndërsa citohet edhe nga prestigjozja Reuters, se: “duhet marrë parasysh, që statusi i vendit kandidat nuk mund të bazohet vetëm në një çështje të veçantë, por ka edhe shumë rregulla të tjera në BE, të cilat çdo vend duhet t’i ndjekë”
.Qeveria shqiptare prej disa kohësh është në bisedime me kompaninë çeke për gjetjen e një zgjidhje kompromisi për “CEZ Shpërndarje” dhe shmangien e padisë së ngritur tashmë në Gjykatën Ndërkombëtare të Arbitrazhit me seli në Paris. TV KLAN