• Shpërndaje

Një ditë pas dorëheqjes së Nanos, për demokratët vendi ka nevojë për zgjedhje të reja. Sipas sekretarit të Partisë,Ridvan Bode, në ato që tha ish kreu socialist, nënkuptoi se partia e tij e ka humbur tashmë të drejtën e qeverisjes. Ai tha se shpresojnë që dialogu me Majkon të vazhdojë.

Gazetarja : Si e cilësoni largimin e Nanos, si një tërheqje definitive apo si një moment rimarrje?

Ridvan Bode: Sipas deklarimit që bëri vetë Nano ai u largua dhe brenda një periudhe të shkutër kërkoi dy herë dorëheqje me të njëjtin motiv sepse ka humbur mbështetjen nga forumet e partisë së tij. Por ajo që është më e papritur për opinionin e gjërë publik, ishte mënyra se si u largua dhe akuzat që ai ngriti në momentin e largimit ndaj partisë së tij që drejtoi për tetë vjet. Sipas Nanos në ditën e largimit të tij ai pranoi publikisht të gjitha akuzat që ka patur Partia Demokratike në raport me Partinë Socialiste. Ai faktoi publikisht opinionet se Partia Socialiste është parti e klaneve dhe e grupeve mafioze. Mendoj se nisur nga gjitha këto Nano vetë nuk duhej të dilte i pastër sepse është ai që ka drejtuar dhe në qoftëse Partia Socialiste vuan pikërisht sot, është prej këtyre grupeve që kanë interesa mafioze./tvklan.al