Rikthehet Festivali Folklorik i Gjirokastrës, “Fest Folk 2000” – (25 Gusht 2000)
Lajme Arkiva – TV Klan 2000
E reja më e fundit nga Festivali Folklorik i Gjirokastrës, “Fest Folk 2000” është zbulimi i emrave të prezantuesve. Ata janë Bernard Kokalari dhe Zhaneta Papamihali. Ky çift ka prezantuar dhe festivalin e parë folklorik të Gjirokastrës në vitin ’68. Bashkë më ta do të jenë edhe dy prezantues të tjerë më të rinj.
Për të siguruar mbarëvajtjen e kësaj veprimtarie janë caktuar rreth 50 punonjës të cilët do të merren vetëm me shoqërimin e grupeve gjatë gjithë veprimtarisë. Me rastin e kësaj veprimtarie kombëtare, u miratua edhe fondi për asfaltimin e rrugës nacionale që kalon pranë qytetit të gurtë. Bëhet fjalë për 34 milion lekë./tvklan.al