Rikthehet kampionati spanjoll
Pas një ndalese për më shumë se 3 muaj, rikthehet mbrëmjen e sotme kampionati spanjoll i futbollit.
La Liga do të hapet nga derbi i andaluzisë mes Sevilla dhe Betis. Skuadrat do të zbresin në fushë në orën 22:00 të mbrëmjes në një stadium pa tifozë, por emocionet nuk do të mungojnë.
Do të luhet nën masa të rrepta për sigurinë shëndetësore dhe do të ndëshkohet çdo futbollist që do t’i shkelë ato. Kjo për shkak të numrit të madh të jetëve të humbura në Spanjë.
Sevilla gjendet në vendin e tretë të renditjes, larg me pikë për të pretenduar titullin kampion por lufton fort për zonën Champions.
Nga ana tjetër, Real Betis është në vendin e 12, nuk ka pretendime madhore dhe kjo pritet ta bëjë sfidën edhe më interesante. Ndeshjet e javës së 28 të kampionatit spanjoll do të shtrihen deri ditën e dielë.
Tv Klan