Rikthehet Manchester United
Pas humbjes në kampionat, fiton pastër në ndeshjen e kupës
Humbja në kampionat 3-1 ndaj Crystal Palace ishte thjeshtë një rastësi për Manchester United, që bën autokritikë në Kupën e Ligës, teksa kalon 3-0 Luton Town dhe siguron fazën e 1/8-ave të Carabao Cup. Një pjesë e parë e vakët, ku United tentonte të gjente golin, por hasën në rezistencën e vendasve. Gjithsesi, kur u duk se pjesa e parë po mbyllej 0-0, mbrojtja e Luton gabon dhe United fiton penallti.
Gjakftohtë Juan Mata, që dërgon topin në njërin cep dhe portierin në krahun tjetër. Me rifillimin e së dytës, Solskjaer hodhi në fushë, Bruno Fernandes, Grenwood dhe Rashford, të cilat rezultuan zëvendësime të goditura. Dyshja angleze shënoi në të 88-të dhe në minutën e dytë të shtesës, duke sigluar kualifikimin e United në raundin tjetër.
“Skuadra dhe shenja përmirësimi, diçka që është tepër pozitive për ne. Shënuam 3 herë, dy prej të cilëve nga zëvendësuesit, që kapën menjëherë ritmin, duke ndikuar edhe te rezultati përfundimtar.
Ne të gjithë nuk jemi stërvitur së bashku për një kohë të gjatë dhe tani është e rëndësishme të gjejmë ritmin dhe të marrim besim. Besimi vjen me rezultatet”, shprehet Ole Gunnar Solskjaer, trajner i Manchester United
Në raundin tjetër, United do të pres fituesin e duelit Preston-Brighton. Befasia e mbrëmjes erdhi nga Neëport! Ekipi që militon në Ligën e 3 të futbollit anglez mposhti 3-1 Watford-in e Premier League, duke qënë ata që vijojnë më tej.
Në takimet e tjera, West Ham kaloi 5-1 Hull City, ndërsa Brentford preu një biletë për më tej pas goditjeve të 11 metërshave përballë West brom.
Klan Plus