• Shpërndaje

Në një kohë që Kampionati Shqiptar i Futbollit ka përfunduar fazën e parë, nesër në të gjithë vendin do të zhvillohen takimet e turit të dytë të Kupës së Republikës. Takimi më i spikatur është ai që do të zhvillohet në kryeqytet ku do të vihen përballë skuadrat e Dinamos dhe Teutës së Durrësit. Interes paraqet edhe fakti që në krye të Teutës pas një periudhe shumë të gjatë rikthehet në bankinë drejtuesi e tekniku i shquar Bejkush Birçe.

Bëhet e ditur nga Federata Shqiptare e Futbollit se takimi Burreli-Apollonia do të zhvillohet në stadiumin e qytetit të Lezhës për shkak të dënimit të dhënë skuadrës matjane në takimin e fundit të fazës së parë të zhvilluar në Burrel, ku u ushtrua dhunë ndaj futbollistëve të skuadrës që udhëheq kampionatin tonë, “sportklub Tiranës”./tvklan.al

Gazetar : Aldon Lipe