Rinovon Hamilton, britaniku te Mercedes edhe për 2021-shin
Lewis Hamilton ka rinovuar zyrtarisht kontratën e tij me Mercedes për sezonin 2021. Lajmi u njoftua nga skuderia gjermane, në një deklaratë në të cilën specifikohet se piloti britanik do të garojë për të nëntin vit radhazi në radhët e saj në Formula 1.
“Mercedes është i kënaqur të njoftojë se skuadra kampione në fuqi për konstruktor dhe piloti kampion bote do të vazhdojnë të punojnë se bashku në 2021”.
Ende nuk dihet se sa do të jetë tarifa që do të përfitojë Hamilton nga kontrata e re. Marrëveshja, siç nënvizohet nga Mercedes, parashikon krijimin e një fondacioni të përbashkët bamirësie i cili do të ketë qëllim mbështetjen dhe iniciativën që synojnë rritjen e formave të përfshirjes në botën e sportit.
Klan News