Rio 2016, ja sportistët që na përfaqësojnë
Shqipëria do të përfaqësohet me 5 sportistë në Lojërat Olimpike Rio 2016. Ata janë dy atletë, dy notarë dhe një peshëngritës sipas skedave të publikuara nga Komiteti Olimpik Kombëtar Shqiptar.
Shpresat më të mëdha janë te Luiza Gega pjesëmarrëse në garat e 1500 dhe 3000 metrave. Ajo do të jetë edhe flamurmbajtësja në ceremoninë e hapjes. Lojërat Olimpike do të nisin më 5 gusht dhe të zgjasin deri më 21 gusht.
Garat e sportistëve shqiptarë nisin më 9 gusht me notarin Sidni Hoxha dhe peshëngritësin Briken Çalja. Kjo është pjesëmarrja e tetë për Shqipërinë në olimpiadën verore./TV KLAN