Role me kërpudhë dhe proshutë (Video)

• Shpërndaje

Përbërësit:

300 gr kërpudha champignon

150 gr proshutë mortadella

130 gr djathë i butë

100 gr domate të thara

20 gr parmixhano

1 petë sfoliatë

1 thelp hudhër

1 vezë

Kripë

Piper

Për salcën:

30 gr vaj ulliri

20 gr ullinj

20 gr kaperi

2 vezë

Përgatitja:  

Në një tenxhere me ujë vendosim vezët që të ziejnë.

Më pas iu heqim lëkurat kërpudhave dhe i vendosim në mikser bashkë me bishtat, shtojmë në to kripë, piper dhe i bëjmë krem. Kremin e përgatitur e skuqim në një tigan me pak vaj ulliri. Sapo i heqim nga zjarri shtojmë në to djathin e grirë, bukë galetë, kripë dhe piper. Hapim petën sfoliatë, e lyejmë me vezë, më pas vendosim djathin me feta, mbi të masën me kërpudha, proshutën dhe sërish djathë. E mbledhim në formë roleje, e lyejmë më vezë sipër dhe e vendosim në furrë që të piqet. Heqim vezët e ziera nga uji, i vendosim në mikser, shtojmë ullinjtë, domatet e thara, kaperit dhe i bëjmë krem. Vendosim në pjatë fillimisht kremin, më pas rolenë me kërpudhë.