Ronaldo do të blejë ekipin e Valladolid
Ronaldo mund të bëhet sërish pjesë e futbollit. Ish-sulmuesi brazilian nuk do të zbresë sërish në fushë, por si investitor, pasi po mendon të blejë pjesën më të madhe të aksioneve të Valladolid.
Lajmi bëhet i ditur nga radio spanjolle “Cadena Ser”. Ronaldo mund të shpenzojë 30 milionë Euro dhe më pas të bëhet president i klubit të La Liga, që ka borxhe të shumta të pashlyera që shkojnë në 25 milionë. Ronaldo nuk është i vetmi që interesohet për të blerë Valladolid.
Oferta të tjera sipas radios “Cadena Ser” vijnë nga Kina dhe Amerika Latine. Ronaldo u largua nga futbolli i luajtur në 2011, ndërsa gjatë karrierës së tij ka luajtur me ekipe të rëndësishëm si Cruzeiro, PSV, Barcelona, Inter, Real Madrid, Milan dhe Corinthians.
Tv Klan