Ronaldo do të qëndrojë në Madrid?
Cristiano Ronaldo duket se ka ndërruar mëndje. Në mënyrë indirekte, nëpërmjet personave që e rrethojnë, portugezi i ka bërë të ditur klubit Real Madrid se dëshiron të qëndrojë. Pas tërmetit që shkaktoi e përditshmja portugeze “A Bola”, mesazhi i Ronaldos ka kthyer qetësinë në klubin spanjoll.
Situata është ende e brishtë dhe mesazhi jo krejtësisht i qartë. “Për momentin çdo gjë është mirë dhe qetë. Tani për tani nuk kemi asnjë problem. Të shohim se çfarë ndodhë”, është teksti i dërguar zyrtarëve më të lartë të klubit.
Gjithsesi dëshira e tij për të qëndruar mund të ndryshojë brenda një dite. Pritet me shumë interes 31 korriku, dita kur në cilësinë e të dyshuarit, Ronaldo do të japë deklaratën e tij para autoriteteve për 4 veprat penale të fshehjes së të ardhurave, një shumë që arrin në 14, 7 milionë euro.
Rezultatet e hetimit paraprak mund të jenë vendimtare për të ardhmen e Cristianos në Madrid.
/Tv Klan