Rrëzohet autobuzi në Tailandë
29 persona kanë mbetur të vdekur nga rënia nga një urë e një autobusi me pasagjerë, në veri të Tailandës, ndërsa disa të tjerë kanë mbetur të plagosur rëndë.
Sipas autoriteteve vendasem, në mjet besohet se kanë qënë nga 33 deri në 40 persona. Lartësia e urës është 50 metra. Të gjitha viktimat ishin vendas dhe nuk ka raportime për shtetas të huaj, duke qënë se tani sezoni turistik në Tailandë është pothuajse në kulmin e tij. Po hetohet për shkaqet e ngjarjes, por paraprakisht besohet se shpejtësia e madhe mund të jetë shkaku kryesor i aksidentit.
Sipas statistikave, ky vend pozicionohet i pari në rajonin e Azisë jug-lindore për nivelin e lartë të aksidenteve dhe viktimave në to.