Rrëzohet helikopteri ushtarak, asnjë i mbijetuar
Ministria e Mbrojtjes ukrainase njoftoi sot se një helikopter ushtarak është rrëzuar në rajonin lindor, Donbas, duke vrarë 5 personat që ndodheshin në të.
Sipas kësaj Ministrie, përplasja ndodhi afër Kramators, ku gjendet selia e operacionit ushtarak kundër separatistëve të mbështetur nga Rusia, në pjesën lindore të Ukrainës.
Ministria tha se 2 anëtarë të ekuipazhit dhe 3 udhëtarë u vranë kur helikopteri i tipit, Mi-2, u përplas në përçuesit elektrikë.
Për afro 3 vite, forcat e qeverisë së Ukrainës po luftojnë kundër separatistëve të mbështetur nga Rusia në pjesën lindore. Gjatë kësaj lufte janë vrarë më se 9,750 persona dhe qindra mijëra njerëz janë zhvendosur./VOA