Rruga Korçë – Voskopojë në gjendje të shkatërruar – (26 Shkurt 2001)
Lajme Arkiva – TV Klan 2001
Këto pamje i përkasin kilometrave të fundit të rrugës automobilistike Korçë – Voskopojë. Katër muaj kanë kaluar për asfaltimin që i ka bërë firma Edikon dhe shihni se në ç’gjëndje është. Ndërmarrja e mirëmbajtjes së rrugëve është duke i mbushur shpesh me dhe gropat e hapura. Kjo rrugë dhe ajo Korçë – Polenë, kanë dashur një milion dollarë investim të Bankës Botërore. Sekretari i komunës së Voskopojës Sianaq Zguri, shpreh shqetësimin e këtij komuniteti.
“Për mendimin tim, mendoj se punimet janë të një cilësie të dobët, sepse që në muajin e parë filluan të bëhen gropa gjatë rrugës, por edhe ndërmarrja mirëmbajtjes mendoj se ka përgjegjësi për këtë, sepse riparimet e tyre po i bëhen me cilësi të dobët”.
Pa cilësi është punuar edhe në aksin Voskop – Voskopojë, Burime pranë pushtetit lokal, bëjnë të ditur se ky objekt është nën mbikëqyrje. Firma nuk e ka marrë gjithë fondin, ndaj në pranverë do të bëjnë rregullimin e defekteve të rrugës./tvklan.al
Gazetare – Holta Zhiti