Ruçi apel kryetarëve të PS në rrethe: Mos keqpërdorni emrin e PS – (12 Mars 2001)
Lajme Arkiva – TV Klan 2001
Numri 2 i socialistëve Gramoz Ruçi, ka paralajmëruar drejtuesit lokal të PS në rrethe, të mos keqpërdorin emrat e udhëheqësve Fatos Nano dhe Ilir Meta, për të fituar pikë në garën e kandidatëve për deputet.
Gramoz Ruçi:- “Askush nga ju, të mos mendojë se, e ardhmja e forcës sonë politike, e ardhmja europiane e vendit, do të lejohen të rrezikohen nga gërdufja e mitomanëve, e pelivanëve, nga trafikantët e votave, që po shfaqen në këtë fazë të parë të përzgjedhjes së kandidatëve për deputet. Të gjitha rezultatet janë në sytë tuaj dhe të elektoratit shqiptar. E theksoj këtë, sepse ende nuk po krijohet modeli i kandidatit që kërkon votat e strukturave të partisë, sipas kritereve të meritokracisë”.
Ruçi kërkoi që fushata të mos përdoret për gjueti shtrigash me administratën. Socialistët përsëritën objektivin për të fituar mbi 60% të votave, duke bashkëpunuar me shoqërinë civile./tvklan.al
Gazetar – Vladimir Lame