RUDINA – EGLA CENO, AKTORJA MES DRAMES DHE KOMEDISE; ARBER TROKA, MES PASIONIT PER VOLEJBOLLIN DHE MODELINGUT!
Të ftuar:
Egla Ceno – Aktore
Egla Ceno është një ndër aktoret më të njohura shqiptare. Ajo ka interpretuar karaktere të ndryshme gjatë karrierës së saj, por spikati edhe më shumë në rolin e bashkëshortes së Elvis Pupës, në “M’Fal Për shprehjen”.
Ajo ishte sot e ftuar në studion e “Rudina” në Tv Klan ku ndryshe nga shumë të ftuar të tjerë ajo kishte zgjedhur të vinte e zbathur duke habitur te gjithë.
“Një aktore nuk mund të na surprizonte më bukur se kaq”, tha moderatorja Rudina Magjistari pasi pa aktoren të futej e zbathur në studio.
Ndërkohë aktorja tha se kishte menduar të vishte taka, por kishte ndryshuar mendje dhe kishte preferuar të vinte ndryshe.
“Po vrisja mendjen të vishja një palë taka, por të kam parë gjithnjë në televizor dhe je “kilometrike” dhe thashë: Sado që të vesh taka prapë… dhe erdha zbathur”, tha aktorja.
Arbër Troka – Volejbollist ekipi i “Partizanit”, model
Volejbollisti Arbër Troka ishte sot i ftuar në studion e “Rudina” në Tv Klan nga ku foli për karrierën e tij.
Ai ka luajtur fillimisht në Itali, por sot tregoi kthimin në vendlindje për të luajtur në Kombëtaren Shqiptare. Troka është pjesë e ekipit të “Partizanit”, por krahas sportit ka pasion edhe modelingun.
Gjatë emisionit volejbollisti tha se është kthyer nga Italia për të luajtur me Kombëtaren Shqiptare, por pasi u njoh me situatën tregoi se u zhgënjye dhe u largua.
“Unë kam qenë pjesë e Kombëtares, por kohët e fundit kam vendosur të mos marr më pjesë. Në Kombëtare kanë ndodhur disa situata që nuk më kanë pëlqyer dhe u largova. E kam lënë unë Kombëtaren dhe jo Këmbëtarja mua. Në 2013 kam luajtur për herë të fundit në Itali pastaj erdha tek Kombëtarja, luajta në kualifikimet e botërorit dhe mbaroi. Unë kam lindur si lojtar italian dhe tashmë për t’u kthyer atje më duhet të qëndroj 4 vite pa luajtur ndërkohë unë vazhdoj luaj dhe e kam djegur si mundësi”, tha Troka.
Zhaklin Lekatari – Gazetare, Sex blogger