RUDINA – OLEN ÇEZARI, VIRTUOZI I VIOLINES SHQIPTARE; ANJOLA HAMZAJ, FOLESJA E LAJMEVE RREFEN JETEN E SAJ JASHTE EKRANIT
Të ftuar:
Olen Cesari – Violinist
Olen Cesari është violinisti shqiptar që na bën krenar me muzikën e tij në të gjithë botën. Ai ishte sot i ftuar në studion e “Rudina” në Tv Klan nga ku rrëfeu rrugëtimin e tij në muzikë dhe jo vetëm. Gjatë emisionit violinisti tha se çelësi i suksesit të tij me publikun ka qenë pikërisht komunikimi me ta.
Si një nga performancat e tij më emocionuese ai cilësoi atë në Bologna të Italisë ku ka luajtur përpara 2 milion personave.
Cesari u ngjit në skenë në moshën 5-vjeçare si një virtuoz i lindur dhe në moshën 7-vjeçare dha koncertin e tij të parë recital në teatrin “Aleksandër Moisiu” të Durrësit.
“Kur hipi në skenë dhe kam të bëj me publikun tim që ka ardhur për mua, dua ta sajdis në mënyrën më të mirë të mundshme. Kërkoj t’i komunikoj gjërat në thjeshtësinë më totale që mund të gjej unë. Në koncertet e mia unë i shpjegoj gjërat dhe e fus publikun në brendësi të gjësë. Më pëlqen bashkëbisedimi me publikun. Më ka rastisur në Kinë që asnjë nga gjuhët që dija unë “nuk pinte ujë” dhe u detyruam ta bënim me përkthyes sepse unë kisha nevojë të komunikoja me publikun dhe ka qenë ky çelësi i suksesit. Funksionon me publikun që unë t’i shpjegoj se përse kam vendosur të luaj një pjesë. Unë kam filluar të merrem me violinë që 3 vjeç e gjysmë dhe është si frymëmarrje për mua.
Gjithashtu ai foli se kur ka nisur të luajë për herë të parë me publik dhe emocionet që përjetoi.
“Kur unë isha 5 vjeç kam luajtur për herë të parë përpara një publiku në teatrin “Aleksandër Moisiu” në Durrës. Ishin 300 persona dhe unë kam luajtur Moxartin, mezi e përballova. Dhe kur kam mbaruar shpërtheva në lot. Në koncertet e tjera mësohesh dhe është normale të performosh dhe të mbarosh punë. Më ka ndodhur një herë në Bologna para 2 milion personave ku ishin të pranishëm Papa Gjon Pali II dhe gjithë qeveria e botës, aty jam shokuar dhe nuk po e kontrolloja dot më publikun, kjo ka qenë e vetmja herë kur nuk kam qenë i qetë” tha Çezari”.
Olen Cesari është mjeshtër i violinës dhe vlerësohet në të gjithë botën për muzikën që bën. Violinisti është një prej atyre që ka njohur nga afër personat publikë më të famshëm në botë dhe një ndër ta ka qenë edhe kantautori i njohur italian, Lucio Dalla.
I ftuar në “Rudina”, Cesari rrëfeu marrëdhënien me të madhin Dalla, teksa e përshkroi si njeri tejet të theshtë. Ai tha se ka patur marrëdhënie shumë të afërt me të, madje e konsideron si babain e tij të dytë.
“Në vitin 2000 ka vdekur babai im dhe nga ky moment Lucio Dalla ka marrë rolin e babait tim, kishim një raport prindëror. Kur kisha një hall e pyesja si të veproj. Për Krishtlindje më ftonte në Itali bashkë me nënën time. Ka qenë raport shumë familjar. Ai ishte gjeni, shumë i thjeshtë. Ndante mendimin dhe kohën me këdo, nuk i thoshte njeriu kurrë jo. Kam bërë xhiron e botës me të, 1 vit pa u kthyer në shtëpi”, tha Cesari.
Anjola Hamzaj – Folëse lajmesh “Tv Klan”
Jemi mësuar ta shikojmë në ekranin e Televizionit Klan, në edicionin qendror infromativ të lajmeve. Prej Shtatorit, Anjola Hamzaj tashmë është një prej figurave të këtij edicioni që përcjellin për shikuesit aktualitetin në Shqipëri dhe jashtë saj. Ajo ishte sot e ftuar në studion e “Rudina”, në Tv Klan, nga ku rrëfeu rrugëtimin në televizion.
“Unë e quaj veten gazetare dhe jo vetëm spikere, sepse në fakt nuk kam bërë asnjëherë vetëm folësen. Në katër vitet e mia të mëparshme në televizion, unë kam patur edhe një intervistë të përnatshme në edicionin qendror të lajmeve me aktualitet, politikë dhe tema sociale. Por më parë unë kam punuar në një gazetë të shkruar, ku kam punuar për 5 vite dhe aty ka qenë baza ime e mirfilltë si gazetare. Unë nuk e aspiroja televizionin, por në momentin që e pashë veten në gazetari, fillova të shikoj disa pika dhe se çfarë drejtimi duhej të merrja”.
“Profesionin tim e kam diskutuar me mikeshat e mia dhe me motrën time binjake, me atë diskutoj shpesh. Unë kam studiuar Gjuhë-Letërsi nga pasioni im për romanet. Kur gazetat filluan të “vdisnin” me keqardhje e them këtë, vendosa të merrem me televizion. Hera ime e parë në televizion ka qenë e tmerrshme, se kam parë asnjëherë veten, por një shoqe më ka thënë se isha shumë shpejt, flisja shumë shpejt, por unë nuk mbaj mend asgjë sepse isha e dominuar nga emocionet. Unë që në fillim jam profilizuar si spikere lajmesh”, tregoi Hamzaj.
Alfred Marku – Shef kuzhine