Rugova kthehet në Prishtinë (30 Korrik 1999)
Presidenti i Kosovës është kthyer përfundimisht në Kosovë. Pas disa muajsh qëndrimi në Romë së bashku me familjen, Presidenti i Kosovës Ibrahim Rugova është kthyer në Prishtinë. Administratori i OKB-së për krahinën Kushner i kishte bërë disa herë thirrje atij për t’u kthyer e për tu përfshirë dhe ai në proceset politike pas luftës. Diçka të tillë ja kishte kërkuar dhe Kryeministri i Përkohëshëm Thaçi. Parisi zyrtar e ka përshëndetur këtë hap të Rugovës me anë të një deklarate për shtyp./tvklan.al